Cyclone Fani: வந்த புயலுக்கு நிதியில்லை; வராத புயலுக்காக 309 கோடியை ஒதுக்கிய மத்திய அரசு - Neerthirai

Breaking

Post Top Ad

Cyclone Fani: வந்த புயலுக்கு நிதியில்லை; வராத புயலுக்காக 309 கோடியை ஒதுக்கிய மத்திய அரசு

வங்கக்கடலில் உருவாகியுள்ள ஃபானி புயல் ஒடிசாவில் கரையை கடக்கும் என்று கணிக்கப்பட்டுள்ள நிலையில் புயல் முன்னெச்சரிக்கையாக தமிழகத்திற்கு ரூ.309 கோடியை மத்திய அரசு ஒதுக்கீடு செய்துள்ளது.

தமிழகத்தை வா்தா, ஓகி, கஜா உள்ளிட்ட புயல்கள் கடுமையாக தாக்கிய போது மத்திய அரசு நிதி வழங்காத நிலையில், ஃபானி புயலால் தமிழகத்திற்கு பாதிப்பு இல்லை என்று அறிவிக்கப்பட்டும், முன்னெச்சரிக்கையாக 309 கோடி ஒதுக்கீடு செய்யப்பட்டுள்ளது. 

வங்கக்கடலில் உருவாகியுள்ள ஃபானி புயல் சென்னை, ஆந்திரா இடையே கரையை கடக்கும் என்றும், இந்த புயல் கரையை கடக்கும் போது இதன் தாக்கம் மிகவும் தீவிரமாக இருக்கும் என்றும், காற்று மணிக்கு 115 கி.மீ. வேகத்தில் வீசக்கூடும் என்றும் தொிவிக்கப்பட்டு இருந்தது. ஆனால், புயல் சற்று திசை மாறி ஒடிசாவை நோக்கி நகா்ந்து வருகிறது. 

இன்று காலை நிலவரப்படி ஃபானி புயல் சென்னைக்கு தென்கிழக்கே 690 கி.மீ. தொலைவில் நிலைகொண்டுள்ளதாகவும், அடுத்த 36 மணி நேரத்தில் இந்த புயல் மிகவும் தீவிர புயலாக வலுப்பெறும் என்றும் தொிவிக்கப்பட்டு இருந்தது. மேலும் இந்த புயல் வருகின்ற மே 3ம் தேதி ஒடிசா மாநிலம் புரி கடற்கரை பகுதியில் கரையை கடக்கக் கூடும் என்று கணிக்கப்பட்டுள்ளது. 

புயல் கரைய கடக்கும்போது இதன் தாக்கம் தீவிரமாக இருக்கும் என்பதால் கடலோர காவல் படை, மீட்பு படை, மருத்துவ குழுக்கள் தயாா் நிலையில் வைக்கப்பட்டுள்ளன.

புயல் முன்னெச்சரிக்கையாக நேற்று பிரதமா் நரேந்திர மோடி தலைமையில் ஆலோசனை கூட்டம் நடைபெற்றது. இந்த ஆலோசனையில், புயல் தொடா்பான அனைத்து முன்னெச்சரிக்கைகளையும் மேற்கொள்ள உத்தரவிடப்பட்டுள்ளது. 

அதன்படி புயல் பாதிக்கக் கூடும் மாநிலங்களாக கருதப்படும் 4 மாநிலங்களுக்கு ரூ.1086 கோடி முன்னெச்சரிக்கை நிதியாக ஒதுக்கீடு செய்யப்பட்டுள்ளது. அந்த வகையில், தமிழகத்திற்கு ரூ.309 கோடி, ஆந்திராவுக்கு ரூ.200 கோடி, ஒடிசாவுக்கு ரூ.340 கோடி, மேற்கு வங்கத்திற்கு ரூ.235 கோடி ஒதுக்கீடு செய்யப்பட்டுள்ளது. 

புயல் திசை மாறிய நிலையில், ஃபானி புயலால் தமிழகத்திற்கு எந்த பாதிப்பும் இருக்காது என்று இந்திய வானிலை ஆய்வு மையமும், சென்னை வானிலை ஆய்வு மையமும் ஏற்கனவே அறிவித்துவிட்டன. முன்னதாக தமிழகத்தை வர்தா, ஓகி, கஜா ஆகிய புயல்கள் கடுமையாக தாக்கியது. புயல் பாதிப்புகளால் ஏற்பட்ட பாதிப்புகளை ஈடுகட்ட மத்திய அரசிடம் கேட்கப்பட்ட நிதி தற்போது வரை ஒதுக்கீடு செய்யப்படவில்லை. ஆனால், தமிழகத்திற்கு பாதிப்பு இல்லை என்று வானிலை ஆய்வு மையம் தொிவித்த போதிலும் முன்னெச்சரிக்கை நிதி ஒதுக்கீடு செய்யப்பட்டுள்ளது குறித்து விமா்சனங்கள் எழுந்துள்ளன. 

Post Bottom Ad