இந்திய ராணுவத்தின் பனிமனிதன் கண்டுபிடிப்பு: கலாய்க்கும் நெட்டிசன்கள் - Neerthirai

Breaking

Post Top Ad

இந்திய ராணுவத்தின் பனிமனிதன் கண்டுபிடிப்பு: கலாய்க்கும் நெட்டிசன்கள்

எட்டி' (Yeti) எனப்படும் பனி மனிதனை பனிமலைகளில் பாதுகாப்பு பணியில் ஈடுபடும் இந்திய ராணுவ வீரர்கள் கண்டதாகக் கூறப்படுகிறது. இந்திய ராணுவத்தின் ட்விட்டர் பக்கத்தில் புகைப்படத்துடன் இது பற்றி பகிரப்பட்டுள்ளது.

பனிமனிதனின் காலடித் தடத்தை இமயமலைப் பகுதியில் கண்டதாக கூறி இந்திய ராணுவம் தனது ட்விட்டர் பக்கத்தில் பதிவிட்டுள்ளது. 

நீண்ட காலமாக இமயமலைகளில் பனிமனிதன் வாழ்வதாகக் கூறப்படுகிறது. ஆனால் அதற்கான ஆதாரங்கள் ஏதும் இதுவரை கிடைக்கவில்லை. 

சராசரி மனிதனை விட பெரிய தோற்றத்துடன் பனி மனிதன் இருப்பான் என நம்பப்படுகிறது. இந்த பனி மனிதன் குறித்து பல மர்மங்கள் அவ்வப்போது வெளியாகின்றன. 

இந்நிலையில், 'எட்டி' (Yeti) எனப்படும் பனி மனிதனை பனிமலைகளில் பாதுகாப்பு பணியில் ஈடுபடும் இந்திய ராணுவ வீரர்கள் கண்டதாகக் கூறப்படுகிறது. இந்திய ராணுவத்தின் ட்விட்டர் பக்கத்தில் புகைப்படத்துடன் இது பற்றி பகிரப்பட்டுள்ளது. 

நேபாளத்தின் எல்லைப் பகுதியில் மகலு முகாம் அருகே ஏப்ரல் 9ஆம் தேதி மர்மமான பனிமனிதனின் காலடித்தடத்தை கண்டதாகவும் அவை 32x15 இன்ஞ் அளவு கொண்டவையாக இருந்ததாகவும் குறிப்பிடப்பட்டுள்ளது. இதற்கு முன் மகலு – பருன் தேசியப் பூங்காவில்தான் இந்தப் பனிமனிதன் காணப்பட்டதாகவும் கூறியுள்ளது

ராணுவத்தினரே பெரிய ஆய்வு ஏதும் செய்யமால் பனிமனிதன் கால் தடத்தைப் பார்த்துவிட்டதாகப் பதிவிட்டதை சில நெட்சன்கள் நம்பவில்லை. சிலர் ராணுவத்தின் ட்விட்டர் பக்கத்தை யாரோ ஹேக் செய்து விட்டார்களா என சந்தேகம் தெரிவிக்கிறார்கள். 

Post Bottom Ad