TN HSC 12th Results Out: 12ம் வகுப்பு தேர்வு முடிவுகள் வெளியீடு! 91.3% பேர் தேர்ச்சி!! - Neerthirai

Breaking

Post Top Ad

TN HSC 12th Results Out: 12ம் வகுப்பு தேர்வு முடிவுகள் வெளியீடு! 91.3% பேர் தேர்ச்சி!!

தமிழகம் மற்றும் புதுச்சேரியில் நடைபெற்ற 12ம் வகுப்பு பொதுத்தேர்வுகள் முடிவுகள் இன்னும் சற்று நேரத்தில் வெளியாகிறது. தேர்வு முடிவுகளை எப்படி தெரிந்து கொள்ளலாம் என்பது பற்றிய விபரங்களை இங்கு காணலாம்.

தமிழகம் மற்றும் புதுச்சேரியில் நடைபெற்ற 12ம் வகுப்பு பொதுத்தேர்வுகள் முடிவுகள் வெளியாகியுள்ளது. தேர்வு முடிவுகளை எப்படி தெரிந்து கொள்ளலாம் என்பது பற்றிய விபரங்களை இங்கு காணலாம். 

இந்த கல்வியாண்டிற்கான பன்னிரெண்டாம் வகுப்பு பொதுத்தேர்வு கடந்த மார்ச் மாதம் நடைபெற்றது. 10ம் வகுப்புக்கு மார்ச் 14 முதல் 29ம் தேதி வரையிலும், 12ம் வகுப்புக்கு மார்ச் 1 முதல் 19ம் தேதி வரையிலும் தேர்வுகள் நடைபெற்றது. இதையடுத்து 12ம் வகுப்பு தேர்வு முடிவுகள் ஏப்ரல் 19ம் தேதி (இன்று) வெளியிடப்படும் என்று பள்ளிக்கல்வித்துறை அறிவித்திருந்தது. 

அதன்படி, தற்போது 12ம் வகுப்பு பொத்தேர்வுகளின் முடிவுகள் சரியாக இன்று காலை 9.30 மணிக்கு வெளியிடப்பட்டுள்ளது. மாணவர்கள் இதனை பள்ளிக்கல்வித்துறையின் அதிகாரப்பூர்வ இணையதள பக்கத்தில் சென்று தெரிந்து கொள்ளலாம்.tnresults.nic.in , dge.tn.nic.inமற்றும் dge.tn.gov.in ஆகிய வலைதளங்களில் தேர்வு முடிவுகள் வெளியிடப்படுகிறது.. மாணவர்கள் தங்களது பதிவு எண் மற்றும் பிறப்பு தேதி ஆகியவற்றை டைப் செய்து முடிவுகளை தெரிந்து கொள்ளலாம். இணைய வசதி இல்லாத மாணவர்கள், தாங்கள் படிக்கும் பள்ளியிலும், மாவட்ட கல்வித்துறை அலுவலகங்களிலும் தங்களது தேர்வு முடிவுகளை தெரிந்து கொள்ளலாம் 

பள்ளிகள் வகைப்பாடுவாரியான தேர்ச்சி விகிதம்:

1. அரசுப் பள்ளிகள்: 84.76% 
2. அரசு உதவி பெறும் பள்ளிகள்: 93.64% 
3. மெட்ரிக் பள்ளிகள்: 98.26% 
4. இருபாலர் பள்ளிகள் பயின்றோர்: 91.67% 
5. பெண்கள் பள்ளிகள்: 93.75% 
6. ஆண்கள் பள்ளிகள்: 83.47% 

இதே போல், மாணவர்களின் பதிவு செய்யப்பட்ட செல்போன் எண்ணுக்கும் எஸ்எம்எஸ் மூலமாக தேர்வு முடிவுகள் அனுப்பப்படுகிறது. இதற்கு மாணவர்கள் தேர்வுக்கு முன்னரே, தேர்வு விண்ணப்பப்படிவத்தில், செல்போன் நம்பர் கொடுத்திருக்க வேண்டும். விடைத்தாள் நகல் பெற விரும்பும் மாணவர்கள் 275 ரூபாய் (ஒரு பாடத்துக்கு) செலுத்தி, ஏப்ரல் 22ம் தேதிக்குள் விண்ணப்பிக்க வேண்டும் என்றும் தெரிவிக்கப்பட்டுள்ளது. கடந்தாண்டு 12ம் வகுப்பு தேர்வு முடிவுகள் மே 16ம் தேதி வெளியிடப்பட்டது. இந்தாண்டு சற்று முன்னதாக ஏப்ரல் மாதத்திலேயே முடிவுகள் வெளியிடப்படுகிறது. 

முக்கிய தேதிகள்: 
மதிப்பெண் சான்றிதழ் வெளியீடு: 20 ஏப்ரல் 2019 
மதிப்பெண் சான்றிதழ் பதிவிறக்கம் செய்வதற்கான கடைசி தேதி: 26 ஏப்ரல் 2019 
விடைத்தாள் நகல் பெறுவதற்கான விண்ணப்பம் தொடங்கும் நாள்: 22 ஏப்ரல் 2019 
விடைத்தாள் நகல் பெற விண்ணப்பிப்பதற்கான கடைசி தேதி: 24 ஏப்ரல் 2019 
மறுமதிப்பீடு செய்ய விண்ணப்பம் தொடங்கும் நாள்: 22 ஏப்ரல் 2019 
மறுமதிப்பீடு செய்வதற்கான கடைசி நாள்: 24 ஏப்ரல் 2019 
விடைத்தாள் நகல் பெறுவதற்கான கட்டணம்: ஒரு பாடத்துக்கு 275 ரூபாய் 
மறுமதிப்பீடு செய்வதற்கான கட்டணம்: 205 ரூபாய் (உயிரியல் பாடம் தவிர) 
உயிரியல் பாடத்துக்கு மறுமதிப்பீடு செய்வதற்கான கட்டணம்: 305 ரூபாய் 
துணைத்தேர்வுகள் நடக்கும் நாள்: ஜூன் 6 முதல் 13ம் தேதி வரை 



Post Bottom Ad